Ruk Ruk Rukna Nahi

Sarsara rahe the patte,
Chal rahi thi tez hawa,
Andhere ko roshan karne ki,
Koshish kar raha tha chandrma,
Sehma ek yuvak is roshni ka sahara lekar,
Badha ja rahe tha apne path par,
Par badlon ko aana hi tha,
Chandrama ko dhak dalna hi tha,
Roshni ki kahatam kar dalna hi tha,
Andhkar main sahi marga pe chalna,
Us yuvak ke lie mushkil ho gaya,
Woh bhatak gaya,
Idhar gaya, udhar gaya,
Thokarein bhi lagi,
Kaantein bhi chubhe,
Saari galat raahon pe chalne ke bad,
Ant main use sahi marga mil gaya,
Woh pahuncha jahan use jaana tha,
Isilie kyonki usne galat raah pe chal kar waapis ane ki himmat rakhi,
Usne socha ki galtian kitni bhi ho,
Hal galti ke bad ye sankhya kam honi hai,
Aur ant main sahi rasta hi bachta hai,
Sharir par ghav the uske,
Par man main tha safalta ka utsah,
Ab shayad chandrama ki maddham roshni ki jarorat nahi thi,
Kyonki ab uski ankhon ne andhkar main prakash ko dhoodh lia,
Jeevan main bhi aise kai lamhe aate hai,
Jab admi ek chaurahe pe khada hota hai,
Jab koi uska margadarshak nahi hota,
Aise main thahar jana kayarta hai,
Aur age badhna hi karmaveerta hai,
Pehli baar man hi sahi rah chun-na bhagyashalita hai,
Par har galaat raah ko chun-ne ke baad ant main sahi raah ko dhoodh lena hi safalta hai,
Hawaen chalti rahengi,
Andhera fir se hoga,
Par himmat na harne wala,
Hamesha Safal hota rahega……….