Kyon Maara Raju Ko?

Raju! Raju! Wo chillain,
Uske baad siskian bhi aayi,

Yaad aye wo din,
Jab unhone Raju ko god main khilaya tha,
Use ungali pakadkar chalna sikhaya tha,
Use apne hathon se khilaya tha,
Pal pal uska chehra yaad aata hai ab,
Maa ka aachal jo khushion bhara tha kabhi,
Gam ne usme ghar banaya hai abhi…

Raju! Raju! Wo chillain,
Uske baad siskian bhi aayi,

Yaad aye wo din,
Jab bachpan main uske sath khela karti thi wo,
Jab baat baat main use daant dia karti thi wo,
Jab unke har hukm ki tameel karta tha wo,
Hathon me resham ka dhaga lie wo,
Apne bhai ko dhoodhti firti hai wo…

Raju! Raju! Wo chillain,
Uske baad siskian bhi aayi,

Yaad aye wo din,
Jab unki ek hasi ke lie tare tak tod lane ki kasme khate the wo,
Jab agni ke samaksh saat janmon tak sath nibhane ki kasme khai thi usne,
Jab har ek gam ko khushi main badal dia karte the wo,
Jab ek doosre ki baahon main sukoon mehsoos kia karte the wo,
Aj us kandhe ka sahare lene ki chahat main neen tod lia karti hai wo…
Aj aaine main uski photo ki chavi ko dekhkar ansoon ke dhaara bahaa deti hai wo...

Raju! Raju! Wo chillae,
Uske baad siskian bhi aayi,

Yaad aye wo din,
Jab dekha karte the use har pal idhar hi,
Jab wo samajh leta aknkhon ki bhasha bhi,
Jab pehli pagaar rakh hathon main rakh kar kaha tha ki bada ho gaya ab wo bhi,
Jab usne kaha ki papa ab aap araam karein, bahut hua sangharsha apka,
Aj beta beta kehte parchaiyon ko pakadte firte ho wo…

Raju! Raju! Wo chillaya,
Uske baad siskian bhi aayi,

Yaad aaye wo din,
Jab uske sath chupke cinema jaya karta tha wo,
Jab bachpan main mil kar badmashi kia karte the wo,
Jab har parshani ko apas main baant lia karte the wo,
Jab pareshani main sath milkar ladte the wo,
Aj jab ankhon main ansoon lie aur hathon main bhai ka photo lie,
Chup chup ke roya karte hae wo…

Ek Admi se judti hai kai aur saanse bhi,
Ek maut se ho jaati hai kai aur mauten bhi,
Na jaane kyon nahi samajhte kuch log ye choti si baat bhi,
Baha dete hai apne matlab ko khoon ki dhaara bhi,
Samajh lena ki ek jahan hai dosra bhi ,
Har ek ko jawaab dena padta hai wahan pe,
Tumjhe bhi dena padega ki tumne
Kyon maara Raju ko?

I dedicate this poem to all the people, who lost their lives in the bomb blasts, and their families.

Cheers!!

Chalte Chalte

Chalte chalte aj fir se nazren mil gayi,
Socha kyon na aj kuch baat bhi ki jaaye,
Hoth kuch keh hi naa paye the,
Haat utha ke unhe bulane ki koshish hi kar rahe the,
Ki wo fir nikal gaye apna daman bachate hue...

Chalte chalte aj fir nazar padi us purane ped par,
Samne khadi imarat main bhi kuch badlav nahi tha,
Khayal aaya ki sab kuch waisa hi to hai,
Tabhi samne khadi gadi ke sheeshe par bani khud ki chavi nazar aayi,
Lagne laga shayad kuch bhi waisa nahi hai...

Chalte chalte aj Maa ka hath tham ke unhe sahara dene ki koshish ki,
Maa ne muskarate hue hath tham ke us purani sadak paar ki,
samay ka ek pal yaad aaya jab haath maine thaame the,
Log manzilon ki talash main door chale jaate hai kaheen,
Kya Maa ki wo muskaan nahi un manzilon se badi...

Chalte chalte dekha khelte hue baachon ko,
Sochne laga ki kitna pyaara hota hai bachpan,
Nahi hota kisi fikar ka namo nishan,
bachpan main socha karta tha ki kyon log karte hai fikar beshumaar,
Aj us prashna ka uttar khud hi mil gaya...

Chalte chalte thakne ka bhi ehsaas bhi hota hai,
Aaage na khatam hone wala raasta bhi nazar aata hai,
Par peeche mudne pe samajh aata hai ki,
Abhi to safar shuru hua hai,
Na jaane kab tak chalte hi jaana hai...

Cheers!!